اداڪار ڍانڀر سلطان جو انٽرويو - همير گاد

اداڪار ڍانڀر سلطان جو انٽرويو

(مزاحيه)

همير گاد

صحافي: سڀ کان پهريان ته اوهان اهو ٻڌايو ته اوهان جي تعليم ڪيتري آھي.؟

اداڪار: مان ڀائرن سوڌو سَت درجا پاس آھيان.

صحافي: اوهان پنهنجي فن جي شروعات ڪهڙي ڊرامي کان ڪئي.؟

اداڪار: منهنجي پهرين ڊرامي جو نالو هو ”دوزخ جو گيٽ ڪيپر“ جنهن ۾ مون مهمان اداڪار طور ڪم ڪيو هو.

پوءِ جنهن ڊرامي ۾ پهريون ڀيرو هيرو آيس ان جو نالو هو ”عشق جو مرض“ ان ۾ منهنجو مٿي جبل جي چوٽيءَ تي پنڪچر ڳنڍڻ واري جو رول هو.

صحافي: هن فيلڊ ۾ اچڻ کان پهريان ڪهڙو ڪم ڪندا هُيئو.؟

اداڪار: هوٽل تي چانھ ٺاهيندو هُيس.

ڪاپي پيسٽ اديب جو انٽرويو - همير گاد

ڪاپي پيسٽ اديب جو انٽرويو

همير گاد

صحافي: شفن ”گناهگار“ صاحب! اوهان پنهنجي ننڍپڻ جي باري ۾ ڪجھ ٻڌايو.؟

اديب: ڳوٺ سڪيلڌو کان ڪجھ پنڌ تي اولھ طرف مُنهن ڪري ڏکڻ طرف اسان جو پنهنجو ويڙو هو انهيءَ ويڙهي ۾ الائي ڪهڙي تاريخ ۽ سال ۾ پيدا ٿيس ڪا خبر ناهي.

شفن نالو منهنجي بابا سائينءَ پنهنجي وفات کان مهينو کن پوءِ رکيو جڏھن ته “ گناهگار“ منهنجو تخلص آھي.

زمين جي ورنن جا قسم - ولي محمد طاھرزادو

زمين جي ورنن جا قسم

ولي محمد طاھرزادو

#نئين نڪور ڌرتي يا زمين کي ”نهوَر“ ڪوٺين.

#اڳي پوکي وري ڇڏي ڏنل زمين کي ”کرڙ“ چون.

#بنا ريج واري زمين کي اروٺ، ڪرءُ يا اَريج،

#درياءَ جي ڀرواري ريٽ، پڪي زمين سڏين،

# ۽ چيڪيءَ زمين کي ٽاڪ يا رِپَ نالا ڏين.

# انهن کان سواءِ ٻيا قسم هيءُ آهن:

# بٺ، جنهن ۾ ڪو سلو نه اُڀري،

# قدرتي بيٺل گاهه واري کي ريل چون،

# ۽ جنهن ۾ ٿورڙو گاهه هجي، ته ان کي آڍوري ڪوٺين.

فلاپ ڊائريڪٽر- همير گاد

فلاپ ڊائريڪٽر

همير گاد

چوندا آھن ته ڊائريڪٽر ڪيپٽن آف دي شپ هوندو آ، پر هي فلاپ ڊائريڪٽر ڪيپٽن آف دي شيپ آ.

فلاپ ڊائريڪٽر ان جي ڪري ڇو جو سندس اڄ تائين ڪو به ڊرامو ڪامياب ٿي نه سگهيو اٿس.

ادب، سياست ۽ رياضيءَ سان شوق پيدا ڪرڻ لاءِ ست ٽوٽڪا

ادب، سياست ۽ رياضيءَ سان شوق پيدا ڪرڻ لاءِ ست ٽوٽڪا

پروفيسر ڊاڪٽر نور مصطفيٰ شيخ

ٽوٽڪو نمبر ۱:

وڪيل جي غلطيءَ سان سندس اصيل زمين کان ۵ فوٽ مٿي ٽنگبو، ڊاڪٽر جي غلطيءَ سان سندس مريض زمين ۾ ۵ فوٽ هيٺ پوربو، اديب جي غلطيءَ سان زحمت کي رحمت، نامزد کي نامرد ۽ فرض کي قرض پڙهبو، رياضي دان جي غلطي سان صحيح جواب کي غلط ۽ غلط جواب کي درست ڪرڻ سبب پوزيشن، گريڊ ۽ داخلا نااهلن کي ملندي پر سياستدان جي غلطيءَ سان تخت بدلي تختو ۽ ريل بدلي جيل ملندي.

ڦَٽڦَٽي - حيات علي شاهه بخاري

ڦَٽڦَٽي

حيات علي شاهه بخاري

هڪڙي ڳالهه واضح ڪريان ته ”ڦَٽڦَٽي“ ڪنهن ويمپ يعني عورت ولين يا بادشاهن جي ڏوئي گيري مطلب ته چمچه گيري ڪندڙ ڪنهن اهڙي عورت جو نالو ناهي، جيڪا ڦٽل ڪم ٺاهيندي آهي ۽ وري کيس خرچي پاڻي نه ڪرائجي ته ٺهيل ڪم ڦٽائي ٻن دلين جي وچ ۾ ويڇا وجهي ڇڏيندي آهي. ڦٽڦٽي موٽرسائيڪل جو نالو آهي، جنهن کي هاڻي جديد دور ۾ بائيڪ چوندا آهن، دوست حميد جنهن ”بائيڪ“ جهڙي سواري تي سوار ٿي هلندو آهي، اُها اصل ۾ ڦٽڦٽي آهي. هاڻي اوهان اِهو پُڇڻ جي ناڪام ڪوشش ڪندا ته ان سواري تي ”ڦٽڦٽي“ نالو ڪيئن پيو، ان لاءِ هٿ ٻڌي عرض ڪريان ٿو ته موٽرسائيڪل جي اوائلي شڪل صورت عجيب هُئي ۽ ان جي هلڻ سان ”ڦٽ، ڦٽ“ جهڙو وڏو آواز نڪرندو هو، جو ميلن تائين ٻُڌڻ ۾ ايندو هو، سو مون جهڙن اڻ پڙهيلن موٽرسائيڪل جي ان آواز جي مناسبت سان ان جو نالو ”ڦٽڦٽي“ رکي ڇڏيو.

رسا ڪشي - مٺل جسڪاڻي

رسا ڪشي

مٺل جسڪاڻي

”رسا ڪشي“ ھڪ قسم جي راند آھي. ھن راند ۾ ھڪ رسو هوندو آهي، ان جي ھڪ ڇيڙي ۾ ھڪ ٽولي ۽ ٻئي ڇيڙي ۾ ٻيءَ ٽولي، رسو جھلي بيھندي آھي. رسي جي وچ تي هڪ نشان ھوندو آھي. جيئن ئي ريفري سيٽي وڄائيندو آھي، ته ٻئي ٽوليون زور لڳائينديون آهن، ھر ٽولي ٻي ٽولي کي پاڻ ڏانھن ڇڪڻ جي ڪوشش ڪندي آھي.

تمام مزيدار راند آھي. روبرو ڏسڻ جو لطف ئي پنھنجو آھي. گھڻ ۾ اھا راند ٿيڻ جي صورت ۾، تماشائين مان ڪجھه ماڻھو، جنھن ٽولي جا ھمدرد ھوندا آھن، ان ٽولي کي کٽائڻ جا ھربا استعمال ڪندا آھن.