ڏاڏي ٻانھي جي ڪچھري
ڊاڪٽر الطاف
جوکيو
ڏاڏو ٻانھو آهي ته نوي کان چڙهيل،
پر قد ڪاٺ، ڪم ڪار، ڳالھائڻ ٻولھائڻ وغيره ۾ پوڙهي اُٺ چواڻي گهڻن کان ڏاڍو آهي. ڪتريل
ڏاڙهي، پورا پنا شھپر، کسي ڳچيءَ تي پھراڻ، موڪري شلوار، پير ۾ کيترو، مٿي تي
محرابي ٽوپي- اهي سندس حليا آهن. پراڻي جڳ جي ناتي ڳوٺ وارا کيس چڱو مڙس ئي
سمجهندا آهن. سنڌ جي مٽيءَ سان ملھائڻ ناتي سگهڙ، مھماندار ۽ محبتي ماڻھو آهي. ڪنھن
سان ڏاڍائي نه ڪبي، نه سھبي!
