سنڌ ۾
مِينهنَ جو سُواگت ۽ دراوڙي سڀيتا جون دريافت ٿيل ڪجهه ڪڙيون
سنگرام
تازو ئي ”خط: ٻن اديبن جا“ نالي
ڪتاب پڙهيم، جيڪو بيحد پسند آيو. ڪتاب ۾ سائين محمد ابراهيم جويي ۽ عبدالقادر
جوڻيجي صاحب جا هڪٻئي ڏانهن لکيل خط بيحد معياري ۽ علمي ۽ ادبي لحاظ کان، هڪ بي
مثال ادبي خزانو آهن. اُن ڪتاب ۾ شامل ڪيل هڪ خط ۾ سائين جويو صاحب جوڻيجي صاحب کي
لکي ٿو:
”.... مِينهن کي آڻڻ لاءِ هندو توڻي مسلمان
اتي ٿر ۾ ڪهڙا سنؤڻ ساٺ ۽ پوڄا پاٺ ڪن ٿا. ناچ ڪَن ٿا، گيت ڳائين ٿا ۽ ٻيا ڪهڙا
جتن ٿا ڪن؟ هڪڙي اِها ڳالهه، ۽ ٻِي ڳالهه ته مِينهن پون ٿا، تڏهن هُو ڪهڙيون
خوشيون ۽ ڪهڙا گيت ڳائين ٿا، سنؤڻ ساٺ ۽ پوڄا پاٺ ڪن ٿا....“