هيروز جي لسٽ
جهنگلي جيوت کاتي پاران جوڙيل هيروز جي لسٽ ۽ نظر انداز ٿيل شهيد ڀُٽو
نواز ڪنڀر
پاڪستان ۾ جھنگلي جيوت جي حوالي سان ڪم ڪندڙ ٻن ٻين الاقوامي ادارنIUCN ۽ WWF تازو سنڌ وائلڊ ڊپارٽمينٽ کان سنڌ ۾ وائلڊ لائيف جي تحفظ جي حوالي سان هيروز جي حيثيت رکندڙن جي لسٽ گھري آهي. افسوس ۽ کل جهڙي ڳالهه اها آهي ته اسان جي هن تمام اهم کاتي ۾ ويٺل تمام معزز نالن، جن کي هيروز ڪري پيش ڪيو آهي، اهي رڳو ٻه ڄڻا هن ئي کاتي ۾، مٺي ۽ بدين ضلعن ۾ اسسٽنٽ ڪنزرويٽر ۽ گيم انسپيڪٽر آهن، اسان کي انهن جي نالن تي ڪوبه اعتراض ناهي. جيڪڏهن انهن ٻنهي معزز صاحبان جو جھنگلي جيوت جي بچاءَ لاءِ ايترو ڪم ڪيل هجي جو انهن کي هيروز جو درجو ڏنو وڃي يا ڏياريو وڃي ته سٺي ڳالهه آهي پر گھٽ ۾ گھٽ انهن جي ڪارنامن کان آگاهه ضرور ڪيو وڃي.